जीवनाच्या वाटेवर

जीवनाच्या या वाटेवर

 सुख दुःख तर येणारच 

सुख दुःखांचा पाठशिवणीचा

 खेळ रोज तर चालणारच !!

मग कधी आलेल्या संकटांना 

जिद्दीने, हिमतीने तोंड तर देणारच 

यशाच्या शिखरापर्यंत पोहोचण्यासाठी 

अतोनात कष्ट तर करणारच !!

जीवनातील या रंगमंचावर

 सुखदुःखाच्या काळात साथ

 देणारे मित्र-मैत्रिणी नेहमीच

 आठवणीत राहणारच!!

जीवनात थोड्या काळासाठी

 का होईना फुलांप्रमाणे, इंद्रधनुष्याप्रमाणे इतरांना 

आनंदित,प्रफुल्लित ,सुगंधित करणारच !!

जीवनात कधीही मिळालेल्या

संधीचा पुरेपूर वापर करून

भविष्य उज्ज्वल करण्यासाठी 

 त्या संधीचे सोने करणारच !!

वेळात वेळ काढून जीवनातील 

आठवणींची शिदोरी गोळा करून 

जवळच्या माणसांना सुखदुःखाच्या 

काळात पुरेपूर वेळ देणारच !!

दरवर्षी नव्या उमेदीने, जोमाने ,उत्साहाने

जीवनाची नवी सुरुवात करणारच

जुन्या आठवणींना स्वप्नांना

 हृदयामध्ये खोलवर जपून ठेवणारच !!