दिवाळी
दिवाळी
दिवाळी सणाचा वेगळाच थाट
दीप लावून उजळले ताट
दारी तोरण सजले पाट
पुरी,शंकरपाळी, करंज्या लाट /1/
सडा-रांगोळी सजले अंगण
अंगी उटणे लावणे चंदन
सारे करिती देवाचे पूजन
करुनी मोठ्या माणसांना वंदन /2/
सासुरवाशीन माहेरी येई
घरादाराला आनंद होई
बालगोपाळांची खेळण्याची घाई
लेकीला गोड-धोड करी आई /3/
फराळ, फटाक्यांची आतिषबाजी
छोट्या -छोट्या गोष्टी सांगे आजी
सर्वांना आवडे गरमागरम भजी
नवे कपडे घेऊन देई दाजी /4/
दागदागिने घालून देवांना सजवती
धनाची,कुबेराची पूजा करती
बहीण भावाला ओवाळती
निरोगी आरोग्य ईश्वराकडे मागती /5/
दिवाळीचा सण असे खास
सर्वांच्या शरीरावर चढे मांस
मामाला मिळे फिरायला पास
म्हणूनच आम्हाला दिवाळीची आस /6/