जीवन एक रंगभूमी

किती चेहरे

किती मुखवटे

कधी चेहरा खोटा

कधी मुखवटा खोटा

इथल्या प्रत्येक चेहऱ्यावर 

इथल्या रंगभूमीवर 

मुखवट्याचा खरा चेहरा शोधतोय

इथल्या रंगभूमीवर 

सगळेच इथं उपरे

मुळांना पोखरू पाहणारे चेहरे

चेहरे ओरबडणारे मुखवटे

चेहरे आणि मुखवट्याच्या 

या द्वंदाचत पुन्हा पुन्हा फसत जातोय

इथल्याच रंगभूमीवर 

ख-या कुळाचा शोध घेणाऱ्या 

कर्णाचा चेहरा शोधतोय

खोटा मुखवटा धारण करून 

जगणाऱ्या कर्णाला शोधतोय

इथल्याच रंगभूमीवर 

पुन्हा पुन्हा 

पुन्हा पुन्हा