झुरते तुझ्याविना

सख्या का रें तु रुसला

काय घडला माझा गुन्हा

झुरतेय आता तुझ्याविना 

विनविते तुला पुन्हा पुन्हा

ओळखीची खूणही पटली

मने दोघांची आता जुळली

साथ सोडून गेलास सख्या

चूक माझी नाही ना कळली

प्रेम बंधनात बांधलोय दोघे

का रें सख्या मन हे तोडले

सात जन्मांच्या या शपथा

अनुबंध होते माझे जोडले

ये नां सख्या परतूनि आता 

नको हळवे हे मन तू मोडू 

तव प्रीतीचा फुलु दे पिसारा

नाते प्रेमाचे नकोस तू तोडू 

राजसा येशील ना मजकडे

केले हे हृदय तुजला बहाल

चांदण्यात फिरू दोघे प्रेमाने 

नको सोडू सख्या प्रीत महाल