झुंजूमंजू झालं

झुंजूमुंजू झालं रविराज आला

सारी धरती प्रकाशमान झाली

अंधार लोपुन उजेड आला

सारा गाव आता जागा झाला

बळीराजा उठून सर्जाकडे आला

खाऊपिऊ घालून हात फिरवला

दिसभर राबवायचे आहे राजा तुला

कष्टाची भाकर मिळवायची मला

लेकीसुना साऱ्या जाग्या झाल्या

केला अंगणी सडा सारवण

जात्यावरच्या ओव्या गायल्या

आवरलं सार लाकूड सरपण

रविराजासंगे चैतन्य आले गावात

सोनपावलांची प्रभा पसरली चोहीकडे

सारीच कामे सुरू जाहली आनंदात

करू मेहनत वाट चासळू स्वप्नपूर्तीकडे