झुगारा अंधश्रद्धा

अंधश्रद्धा अंधपणे, मनावर आरुढ

सारासार विवेकाचे, झुगारुन पांघरुण            (1)

पगडा इतका घट्ट , मनाला पडे विळखा

नकळत करे हट्ट , विचाराला देती फाटा             (2)

कोणी नवस देवाला , कोणी घाले प्रदक्षिणा 

देई बळी पशूला , तर कोणी मानवाला         (3)

बळी देण्याने का देव , प्रसन्न आपणां होई?

अश्राप मारुनी जीव , मनोरथ पूर्ण होई?            (4)

देव प्रसन्न होतसे , निरपेक्ष कर्मातून 

बळीची नसे अपेक्षा , घातकशा प्रथेतून      (5)

झुगारुन टाका अशा , अंधश्रद्धा मनातून 

विवेकी विचारांचाच , लगाम घ्यावा बांधून      (6)

विज्ञानाधिष्ठित देश , सुविचारी हो जनता 

डोळस श्रद्धा ठेवावी , हवी. प्रत्यक्षप्रमाणता    (7

डॉक्टर दाभोळकरांनी , मतपरिवर्तन केले 

भगीरथ प्रयत्न केले , प्राणांचेही बलिदान दिले    (8)

 एकविसावे शतक , अंधश्रद्धा झुगारेल

विज्ञानाधिष्ठित देश , प्रगतीपथ गाठेल (9)