जगावे वेदनेसंगे

एक वेदना अशी

अंतर्मनात सलणारी

मायेच्या उसास्यांनी

दुपटीने झोंबणारी

व्यक्त करण्यास

शब्दात न मावणारी

सभोवतालच्या विश्वाला

कवेत सामावणारी

वरवरच्या जखमांना

न जुमानणारी

पण मनावरच्या घावांनी

बारमाही चिघळणारी

तुझ्यातला तू अन मी

माझ्यातला संपवणारी

वेदना फक्त तिचेच

अस्तित्व दाखवणारी

जगावे तर वेदनेसंगे

तिच्याच कुशीत मरावे

जाता मागे मात्र 

आठवणीत तिनेच उरावे