जेंव्हा निसर्ग कोपतो
जेंव्हा निसर्ग कोपतो
1 min
534
निसर्ग देतो चराचराला
भरभरुन जीवन देणं
बुद्धिवंत मानवजातीने
सदा ठेवावे याचे भान
दातृत्वाला निसर्गाकडे
नाही हो कुठलेच माप
बेभान मानवजातीची
हाव वाढलेली अमाप
निसर्ग असे अवलिया
नसे तो आपल्या हाती
अवचित कोपतो जेव्हा
करी सगळ्याचीच माती
पद्धतशीर स्वार्थासाठी
निसर्गाची करता हानी
निसर्गही उठतो खवळून
तो ही करतो मनमानी
आयते मिळाले सारे काही
त्याची वाटली नाही किंमत
निसर्गाने हिसकावता सारे
हतबल झाली सारी हिंमत
वेळीच होवू या आपण जागे
करू आधीच आपत्तीची व्यवस्था
समतोल राखू या निसर्गाचा मग
कधी होईल अशी दुरावस्था