जाणता राजा शिवाजी महाराज

सोन्याच्या त्या धन्य दिवशी

शिवाईदेवीच्या शिवनेरी

क्रांतीसूर्य उदयास येई

  मावळ्यांबरोबर बाळराजे

  खेळी सह्याद्रीच्या कडेकपारी

  जिजाऊंच्या छञाखाली 

  स्वराज्याचा गरूड झेप घेई

नको गुलामी परक्यांची

रायरेश्वरापुढे साक्ष ठेवी

ऐका हो बालवयात

स्वराज्याची प्रतिज्ञा घेई

  तोरणावर तोरण बांधूनी

  भगवा झेंडा फडफड करी

  शक्तीपेक्षा युक्तीने

  मुघलांना धूळ चाटवी

परस्ञी मातेसमान होती 

गनिमांना कडेलोट शिक्षा होती 

शिवबांची मातृ-पितृभक्ती महान होती 

स्वराज्यावर गनिमांचे संकट

शिवरायांची दूरदृष्टी होती 

   आरमार उभारले समुद्रीकिल्ले बांधूनी

   राज्यकारभाराची घडी बसवली

  अष्टप्रधान मंडळ स्थापूनी

हिंदवी स्वराज्याचा संस्थापक होऊनी

रयतेपायी झिजला जन्मभरी

जिजाऊंचे स्वप्न पूर्ण करूनी

निजला रायगडी सर्वांचा निरोप घेऊनी