जाणीवेचा कोरोना

साऱ्या देशाची झालीय खूप सारी दैना,

पण 'कोरोना महामारी' काही केल्या जाईना ||

कोरोनाच्या भीतीनं घरातच झालो बंदिवान,

टाळ्या-थाळ्या वाजवूनी केलंया त्याचा सन्मान,

विणल्या नात्यांच्या वीणा जाणीवला कौटुंबिक आपलेपणा,

पण 'कोरोना महामारी' काही केल्या जाईना ||

सरकार होतं सुस्त जनतेचे झाले मात्र हाल,

आरोग्ययंत्रणा लागली कामाला पण प्रयत्न ठरले निश्फळ,

आरोग्याच्या बाबतीत सरकारचा जाणवला ढिसाळपणा,

पण 'कोरोना महामारी' काही केल्या जाईना ||

"मास्क लावा, कोरोना टाळा" हेच आता आपले शस्त्र,

नव्हते हाताला काम पण मदतीचे हात होते सहस्त्र,

कोरोना काळातच घडले माणुसकीचे दर्शन सर्वांना,

पण 'कोरोना महामारी' काही केल्या जाईना ||

लढलो,हरलो,जिंकलो... आले आता जबाबदारीचे भान,

कोरोना योद्यांचा करुनी सन्मान फडकाऊ समतेचे निशाण,

संकटावरी मात करुनी सफल करूया आत्मनिर्भराची घोषणा,

पण 'कोरोना महामारी' काही केल्या जाईना ||

साऱ्या देशाची झालीया खूप सारी दैना,

पण 'कोरोना महामारी' काही केल्या जाईना ||