इतिश्री कोरोनाची

कोरोनाने दिलाय या जगाला एक अर्धविराम

अविरत धावणाऱ्या जीवांना मिळाला थोडा आराम

आनंदाची बाब असूनही यामागे दुःख मोठ लपलय

मृत्यूचे भय आणि सावट दुनियेत सर्वत्र पसरलय

प्रत्येक मनुष्यप्राणी जो द्रव्यसंचयात होता मग्न

स्वतःच्या प्राणपक्ष्यापुढे आता सगळेच ठरले नगण्य

या परिस्थितीमुळे उद्मवलाय सगळीकडे हाहाकार

उडालीय लोकांची त्रेधा - तिरपीट अन् धावपळही अपार

सरकाराला आहे आपल्या नागरिकांची चिंता 

त्यासाठीच राबवताहेत काही महत्वपूर्ण मोहिमा 

सगळ्यांनी घ्यावा या आपत्कालीन योजनांचा लाभ 

आणि करावा कोरोना नावाच्या दैत्याचा संपूर्ण विनाश

घेवू काळजी एकमेकांची , कुटुंबाची तशीच समाजाची

शिताफीने करू सामना कोरोना सारख्या यमराजाची

पर्यावरणाचे करू संरक्षण , घेवू काळजी भूमातेची

अशा प्रकारे करता येईल इतिश्री कोरोना विषाणूची