इथं तर काहीच नाही

इथं खूप लगबग आहे

पण सडा सारवण नाही 

देखणी इमारत आहे

पण अंगणात पारिजातक नाही 

काळजात वसंत नाही 

पापण्यात श्रावण नाही 

इवल्याश्या पिल्लासाठी

स्वप्नांचे मणभर ओझे नाही 

गावकुस तर आहे

पण गावकुसाला नदीचा काठ नाही आणि 

काठाला बालपण नाही 

बालपण कधीचच वाहून गेलंय

आता त्या बागेशीही संबंध नाहीयं न्

तुमच्यासाठी जगण्यासाठीचा उत्सवही नाही 

आहे असे काहीच नाही 

कधीच नव्हतं न् खरंच 

तुझी आठवण नाही असे काहीच नाही 

तरीसुद्धा इथं लगबग आहे 

पण अंगणात पारिजातक मात्र 

नाहीच नाही