इंद्रायणीची हाक

 रूप खुलते तुझे पंढरपुरी

आषाढी एकादशीला

मन उजळून जाते भक्तांचे,पंढरीच्या वारीला

विठ्ठल नामाच्या गजरात

चिंब-चिंब होतो वारकरी

श्रीहरीच्या चरणी लीन होतो सेवेकरी

प्रत्येकाच्या हृदयात जागा होतो पांडुरंग

टाळ चिपळ्या यांच्या निनादात

सारे होतात तल्लीन

वेगळेच चैतन्य ते आसमंतात दाटले

विठुनामाच्या जयघोषात कण न कण भरून पावले

तुझ्या भक्तीचा महिमा

काय सांगू पांडूराया

तुझ्या विना जीव माझा

मुर्ती विना गाभारा

तुझ्या कृपेचा अभिषेक

असू दे भक्तांवर

असाच तू उभा राहा

अजून युगे अठ्ठावीस विटेवर