होळी

आला होळीचा महिना

सण करुया साजरा

बने पुरण नैवेद्य 

जपु जुनी परंपरा

पौर्णिमेला हुताशनी 

होते होलिका दहन

आहे कथा पौराणिक 

तसा विचार गहन

करू सर्वांना तयार

जाळू वाईट विचार 

आगमनी वसंताच्या

पाळु नवीन आचार

येते रंगांची पंचमी

असे उधळीत रंग

किती रंगले सगळे

झाले खेळण्यात दंग

नको जातीभेद पाळु

खेळु सगळे एकत्र

लावु रंग गालावर

मैत्री पसरू सर्वत्र

पाहु रंगांची किमया

गाऊ जीवन संगीत

नको नीरस जगणे

व्हावे भविष्य रंगीत