होळी रे होळी

होळी आली रे बघ होळी आली

विविध रंगाची झोळी घेऊन आली

मनातला राग काढून टाका

सांगत आला आहे लाल रंग

सकारात्मक विचार करून वाग

बोलतो आहे हिरवा हिरवा रंग

तुझ्या विचारात क्रांती करण्या आली

होळी आली रे बघ होळी आली

सर्वांना आपल्यात सामावून घे 

संदेश देत आहे बघ निळा रंग

इतरांच्या दुःखाचे निवारण कर

आदेशाने सांगतो आहे काळा रंग

तुझ्या वागण्यात बदल करण्या आली

होळी आली रे बघ होळी आली

न डगमगता संकटाला तोंड दे

प्रेरणा देत आहे तुला केसरी रंग

प्रगतीसाठी अविरत चालत राहा

प्रोत्साहित करतोय पिवळा रंग

तुला जगण्याची ऊर्मी देण्या आली

होळी आली रे बघ होळी आली