हिवाळ्यातला सूर्य

हिवाळ्यातला सूर्योदय

हवा हवासा वाटतो

रात्रीचा नकोसा गारवा 

थोडा सुसह्य होतो

हिवाळ्यात सूर्य 

तेवढा प्रखर भासत नाही

उन्हात बसून मिळते ऊब

त्रास वाटत नाही

हिवाळ्यात सूर्यनमस्कार

गरजेचा असतो

अनेक विकारांपासून

आपला बचाव होतो

सूर्यापासून मिळते ऊर्जा

आपण कार्यरत राहतो

सूर्यास्त जवळ आला की

आपण काहीसे उदास होतो

हिवाळ्यात तर दिवस

लवकरच मावळतो

चांदोबा भेटतो लवकर

अन् सूर्य निरोप घेतो

प्रत्येक ऋतूचे

आपले गुणधर्म असतात

थोडं जुळवून घेतलं

की सुखदच वाटतात