हार-जीत

शाळेत असताना 

खेळ मैदानी खेळायचे

जिंकायचे हे मनी मात्र

कायमस्वरूपी असायचे...

हळूहळू मोठे होता होता

समजले हार-जीत असतेच

जीवन आहे, हे चालू राहतेच

आपण सारे हे पचवायचे...

हार झाल्यावर हार मानायची नाही

जीत झाली असता हुरळायचे नाही

जीवनरूपी नौका पार करताना

समजून उमजून वागणे सारे काही...

हार झाली असता जीत का नाही झाली

याचा समर्पक विचार आपण करावा 

आचार नीट ठेवून सर्वांशीच मग

न चिडीचा योग्य डाव सदा खेळावा...