गुरुचे महत्त्व

आई गुरुमाऊली |सुंदर जग दावी ||

नतमस्तक पायी | सदाचसे ||

आईची शिकवण | अनमोल संस्कार |

थोर तिचे उपकार | कितीतरी||

छाया पित्याची |जीवन आदर्श घडवी|

पित्याच्या छञाखाली |सुखरुप||

विद्येच्या या मंदिरी |ज्ञानाची माऊली |

अज्ञानाच्या मार्गी |ज्ञानज्योत ||

असत्याचा अंधःकार |असे चोहिकडे

सत्याचे दर्शन घडे |शिकवणूकीत||

अनैतिकतेचे वारे| वाहे जगामंदी||

रुजवण मूल्यांची| देतसे||

गुरुंचा महिमा अगाध |वर्णावा किती|

आदर हृदयी |कायमच||