गुलमोहर...!

गुलमोहर

झाडावर फुलला

तोल हा गेला

लालचुटुक

केसरी रंग त्याचा

शोभतो साचा

गाली हसला

मनमोर फसला

नाद कसला

मनमोहक गोडी

नाते वेगळे जोडी

काढून खोडी

नित्य पाहता जरा

दाखवितोच तोरा

नादात जरा

म्हंटले बघ जरा 

डोळे ते उघडून

थोडे सावरुन

प्रेमातच पडला

आणि उगा लाजला

घोटाळा झाला

आता लाईन देतो

लाजून मुरके घेतो

आणि बघतो

म्हणतो मला

मी प्रेमात पडलो

आणि अडलो

प्रेम त्याचे लाभता

येता थोडी सावली

घडी बसली....!