लाइब्रेरी
प्रोफाइल
गणित आयुष्याचे...
गणित आयुष्याचे...
1 min
411
चढ संपला आयुष्याचा
उतार आता झाला सुरू
राहिलेल्या इच्छा आकांक्षा
साऱ्याच आता पूर्ण करू
खाचखळगे काटेकुटे
मागे पडली ती सारी
वळणावरती दिसू लागली
बाग आता फुललेली
पूर्वार्ध सरला सारा आता
उत्तरार्ध हा झाला सुरु
सूर्यास्ताला काय भ्यायचे
स्वागत त्याचेही हसत करु
आयुष्याचे गणित असे हे
पायरीपायरीने सोडवायचे
अधिक उणे चूक बरोबर
सारेच आता विसरायचे
