घरटे तुझे नि माझे

प्रेमाने विणूयात

विश्वासाने जपुयात

आपुलकीने टिकवूयात

घरटे तुझे नि माझे

ऊन पावसात टिकवू

सुख दुःखात भक्कम करू

स्वार्थापासून वाचवू

घरटे तुझे नि माझे

थोरामोट्यांच्या आशीर्वादात वसवू

तुझं माझं न करता आपलं मानू

एकमेकांच्या साथीने बहरवू

घरटे तुझे नि माझे

सुंदर स्वप्नांनी रंगवूयात

अतूट नात्यांची तोरणे बांधूयात

मेहनतीने सजवूयात

घरटे तुझे नि माझे...