घन ओथंबून आले

चातक तो व्याकुळला

आकाश निरभ्र झाले 

बळीराजाही गळाठला

घन ओथंबूनीच आले

ढोलताशांच्या गजरात

मेघांचे आगमन झाले

स्वच्छ धवल आकाश

अभ्राच्छादनही ल्याले

झाडांवर गोळा होऊन

केला पाखरांनी कलरव

पर्जन्यधारा झेलत चोचीं

टिपतील का पाखरे दंव

वृक्ष पानांत सुखावला

थरारली गवताची पाती 

वाराही वाहतो अल्लड  

सांगे ऊनपावसाची नाती

सर पावसाची ही सरसर

फूटे धुमारा या बीजाला

अंकुरता कोंब शिवारात

मृदगंध चहूकडे फैलावला

डोंगरदऱ्यातून वाहतसे

पाट ओढ्या ओहोळाचे

झरे निर्झर देतसे स्वच्छ 

मधूर जलही पावसाचे