घेराव

घेराव घातलाय मला

नका जावूच सोडून

करतेय मी मनधरणी

जाता का मन मोडून

मी हो लाजरी बुजरी

आहे सखीच तुमची

आले तुम्हांस भेटाया

एकली उन्हांतान्हांची

जीव जडला तुम्हांवर

नका करू खप्पामर्जी

दिलाचं दिलवर तुम्हीं

करते हात जोडून अर्जी

पाटील तुम्हीच तालेवार

जरीपटका घालू डोईवर

करूनी तुम्हांस विनवणी

या भेटाया मला वरचेवर

वाटंत टपल्यात लांडगं

नाही कुणी तुम्हांवाणी 

जिभा काढती लालचेनं

दावा हिसक्याचं पाणी