गडकिल्ले

जन्म घेतला जिजाउपोटी

किल्ल्यावर त्या शिवनेरी ,

बालवयातच स्वराज्यासाठी

घेतली तलवार करी !

गडकिल्यांचे करण्या रक्षण

दिले कित्येक मावळ्यांनी बलिदान 

मावळे अन् गडकिल्ले

होती स्वराज्याची शान !

रक्षणासाठी स्वराज्याचे गड 

कित्येक सिंह लढण्या गेले ,

देऊन आपले बहुमोल प्राण

राजाच्या यज्ञात कामी आले !

महाराजांचे गडकिल्ले

होती त्यांची संपत्ती ,

जिच्यामुळे नाही आली

कधीही स्वराज्यावर आपत्ती !

छत्रपतींची कीर्ती आजही

त्यांचे गडकिल्ले सांगतात ,

रक्षणासाठी ते आज

मावळे स्वराज्याकडे मागतात !