गढुळ कोपरा

कविता लिहावी म्हणतोय 

नात्याच्या धारेवर

सावरलेल्या हुदंक्यांवर

काळजातल्या काळ्या ढगावर

नाचणाऱ्या मोरावर

हरवलेल्या चित्तावर

गारांच्या पावसावर

गुलाबी गारठ्यावर

भिजलेल्या गाण्यांवर

वेड्या वाऱ्यावर

अस्तित्वाच्या कापसावर

शांततेच्या आवाजावर

पण......

मनातला एक गढुळ कोपरा 

यातल्या एका विषयावरही

मला लिहू देतच नाहीय

शब्दही साथ देत नाहीत 

मग कधी आणि कशी

पूर्ण होणार माझी कविता