गाव

सूर्य मावळतीच्या संगे

येई गोठ्यात गुरंढोरं

वासरू हंबरत येई

म्हशी गाई म्होरं म्होरं

मधू साखर पेरात

तशी भाकरीला गोडी

कधी सणसुदीला गावात

शिजे पुरणाची पोळी

सडा अंगणात शिंपे

अबोल पिवळ्या शेणाचा

परसात माड उभा

त्याशी शेंदूर मानाचा

किती माणसे ही साधी

गर्जे आभाळाचे बोल

जणू मोहल्ला कुटुंब

प्रत्येक माणसाला मोल

चाले सत्संग देवळात

वाजे मृदुंग एकतारी

ग्राम वाटे एक शाळा

प्रेम वाहणारी गाडी