गारवा

रखरखणारा सरला वैशाखवणवा

श्रावणसरी घेवुनी आल्या गारवा

तापलेली रापलेली होती वसुंधरा

गारवा घेवुनी आल्या पाऊसधारा

फुलवेली चिंबचिंब भिजलेल्या

गारव्याने भासे थोड्या लाजलेल्या

चराचर कसा हिरवागार नटलेला

डोळ्यांत निसर्ग देखणा साठलेला

तुझ्या भेटीची मनास लागली आस

गारव्यात ये मज भेटण्यास खास

वाटेला तुझ्या, मी लावावी नजर    

अचानक व्हावास तू समोर हजर

सोबतीने करु चल निसर्ग सफर

गार गार वाऱ्याचा धरून पदर

दवबिंदूंनी सजलेली सुंदर पाने

मोहित करणारी हिरवीगार राने

भुलवतो गड्या तुझ्या रुपाचा गोडवा

नभी शोभावा जसा पुनवेचा चांदवा

श्रावणसरींनी चराचर असा नटावा

तुझ्या प्रितीतला गारवा मला भेटावा