गारवा

डोंगराने पांघरली बर्फाची चादर  

थंडीनेही केला कहर  

प्रेमाला आला बहर  

गवतावर दवबिंदू जणू हिरवे पाचू  

मागे वळून बघता गाली गोड हसू

समोर घनदाट धुक्याचा रस्ता  

नकळत तिचा हात हातात घेतला हसता हसता  

कल्पनेने ओठावर ओठ टेकले  

शब्दही गारठुन गोठले  

मखमली स्पर्शाने नातं झालं घट्ट  

नको स्वेटर कानटोपीचा हट्ट  

गुलाबी थंडीचा अंगावर शहारा  

ही थंडी म्हणावी का तिला म्हणावं  जादूगार  

क्षणात करते प्रत्येक मनाला टवटवीत हिरवेगार