एकांताचे महत्व

कोरोना नामक । विषाणू जन्मला। 

भारतात आला । छुप्या मार्गी ॥ १॥

पाळू नका संग । जण माणसांचा ।

भला एकांताचा । मार्ग गड्या ॥ २॥ 

होतसे लागण । फक्त माणसाला । 

स्पर्श माणसाला । करू नका ॥ ३॥

साखळी बनते । कोरोना रोगाची । 

दाहकता याची । जग सोसे ॥ ४॥

भयान सकाळ । उगवली आहे । 

संकटात आहे । विश्व सारे ॥ ५॥

निसर्ग शक्तींना । करितो प्रार्थना । 

विश्वाच्या यातना । क्षमवाव्या ॥ ६॥

पुरे झाला आता । मानव संहार । 

मानतो मी हार । तुझ्यापुढे ॥ ७॥

सुखी भव सर्व । माणसाची जात । 

टळों अपघात । एकदाचा ॥ ८॥

एकांत महात्मे । सर्वांनी पाळावे । 

कोरोना टाळावे । या मार्गाने ॥ ९॥

दिनु विनवणी । करासी जोडूनि । 

राहावे सर्वांनी । सदा गृही ॥ १०॥