एक चेहरा .. हरवलेला
एक चेहरा .. हरवलेला
1 min
344
घामजलेला, कोमजलेला
एक चेहरा गर्दीत हरवलेला
घुसमटणार्या श्वासात
आपले श्वास शोधणारा,
निदान टेकायला चौथी
अगतिकतेने शोधणारा
थकलेला, पकलेला
एक चेहरा विचारात हरवलेला
किराणाच्या भावात
आपला पाॅकेटमनी शोधणारा,
निदान सुका-फुकायचा खर्च
'जरा' कमीच मांडणारा
गुंगलेला, गुंतलेला
एक चेहरा नात्यात हरवलेला
मायच्या ममतेत
आपली कूस शोधणारा,
निदान स्वकीय परकीयांचं माप
तोलण्याचा प्रयत्न करणारा
चेहरा आपला
फक्त भांग पाडण्यासाठी
दुसर्यांचे आरसे आपला
चेहरा परखण्यासाठी