दुःखहर्ता बाप्पा

बघता बघता बाप्पा आले

पण कोरोना काही हटेना

गांभीर्य संपले या रोगाचे

कोरोनाची भीती वाटेना

गणराय सर्वांचा तारणहार

तोच सुखकर्ता नि दुःखहर्ता

एक मागणी करू श्रीगणेशा

कानी पडू दे चांगली वार्ता

घरात बसून सारेच कंटाळले

मानवाचे विघ्न दूर कर आता

किती दिवस सहन करायचे

तूच कर्ता आणि करविता

न भूतो न भविष्यति असे

संकट आले आज सर्वावरी

संसर्गरोग पसरण्याचा भीतीने

जवळ असून दूर आहेत सारी

दरवर्षीसारखा यंदा दिसेना

जोश तुझ्या स्वागतासाठी

घरोघरी पूजा करू आम्ही

सर्वाना समृद्धी शांती मिळो

हीच प्रार्थना वैश्विक सुखासाठी