दुःख मनातले

कुणा सांगावे कसे सांगावे दुःख मनातले 

कोण घेईल समजून आता दुःख मनातले

राहते सतवत मलाच का हे दुःख मनातले

करू मी आता सहन कुठवर दुःख मनातले

जगासाठी मी राहिलो आजतागायत हसत

अन् हसत हसत लपवले मी दुःख मनातले

छळले मला कितीदा माझ्याच माणसांनी

पण बोललो ना कधी त्यांस दुःख मनातले

वाटे जेव्हा कधी मज जगणे नकोनकोसे

मग आपलेसे वाटे मज दुःख मनातले

"सागर,, नको करू रे काळजी तू जीवाची

एकदिनी सरेल सारे तुझेही दुःख मनातले