दत्त स्तवन

दत्तगुरूंचे करता स्मरण। 

टळते आपदा आणि मरण।

अनन्यभावे जावे शरण।

दत्तगुरू भवसिंधू तारण॥

दत्त माझा, मी दत्ताची।

ओढ मनाला दत्त भेटीची।

संसार- सागर त्यजून आता।

भेट घडू द्या जीवाशिवाची॥

कैवल्याच्या भेटी घडती।

स्मरता एकच दत्तमूर्ती।

चिंता- क्रोध, षड्रिपू हरती।

दत्तगुरूंच्या चरणावरती॥

मना भासे दत्त, नेत्री वसे दत्त।

कर्णास गोडवा, दिगंबर दत्त।

जीवाला आधार, नुरे खेदखंत।

लाभला जयाला, मंत्र गुरु दत्त ॥

दत्त हा आधार, दत्त जीवनसार।

दत्त लाभे त्याचा, भवसागर पार।

दत्त कृपामूर्ती, असो दत्त चित्ती।

भवभय टळे , दत्त देईल प्रचिती ॥