दोन तासाचे अंधत्व..!

दोन तासाचे अंधत्व

मी आज अनुभवले

रविराजा चष्म्याने

मला ऐनवेळी ताडले

दांडी तुटली चष्म्याची

रिपेरींगसाठी वाट धरली दुकानाची

चुकामुक झाली बाबा

आज बऱ्याच दिसांनी सांजेची

तरीपण तनामनात तूच देवा

आजची सांज समजून घे

अंधत्व काय असते 

ते तू जाणून घे

तू तेजाचा लोह गोल

तुला अंधत्वाची न्यूनता काय कळणार

वाटले बिनचष्म्याचा मी दिसता

नक्की मला पाहून आंधळा म्हणून हसणार

म्हणून देवा तोंड चुकवले

आणि रिपेरींगचे काम केले

तेवढ्यातच बघ ना

तुझे रे देवा जाणे झाले..!