दिव्यप्रकाश

दिव्यप्रकाशाच्या झोतात

हासत ,नाचत आली दिवाळी

घरदार स्वच्छ करूनी मी

दारी घालते ठिपक्यांची रांगोळी....

पणती जरीलावली दारी

मिणमिणती ही छोटी जरी

प्रकाश देते सर्व ठिकाणी

तिमिरातुनी तेजाकडे नेते खरी...,

दिवाळीला झाली सुरूवात

आनंदमयी वातावरण सगळीकडे

प्रातःकाली उठूनी दीप लाविले

दीपमाला खुलते चोहिकडे....,

गरीबाघरी नेवू ज्ञानमयी दिव्यप्रकाश

ज्ञानज्योतीने दिवा लावू ज्ञानाचा

पणती पणती पेटवू अंगणी त्यांच्या

प्रकाशमान करूया सण दिवाळीचा.....

आप्तजनांना भेटी देवूनी

निभवू जन्मांतरीची ही नाती

सौख्याचे ,मांगल्याचे दीप लावूया

सगे,सोयरे आपले आनंदात राहती....