दिवस

दिवस दिवसाचा असतो

माणसाने केलेल्या

कर्माचा असतो!

झुंजूमुंजुला उजाडणाऱ्या

पहाटेचा असतो!

अन् मावळतीला उधळणाऱ्या

गुलालाचाही असतो!!

चिव-चिवाट करणाऱ्या

चिमण्यांचाही असतो!

अन् कुहू-कुहू करणाऱ्या

कोकिळेचाही असतो!!

होत्याचे नव्हते करणाऱ्या

भूकंपाचा असतो!

अन् त्सुनामीने उठणाऱ्या

लाटांचाही असतो!!

दिवस मरणाऱ्या

माणसांचाही असतो!

अन् गोड जेवणं करुन

विसावणाऱ्या माणसांचाही असतो!!