दिवस श्रावणाचा
दिवस श्रावणाचा
1 min
228
दिवस श्रावणाचा । हा धुंद पावसाचा ।
मदमत्त यौवनातील । मधुगंध शिंपण्याचा ॥
धारा सचैल न्हाती । फुलती उरात मोती ।
पखरण केसराची । अन् गंध पारिजाती ॥
वारा खट्याळ आणि । ही लाट सुवासाची ।
सोडविता सोडवेना । ती साथ चंपकाची ॥
कांती नवी नव्हाळी । दे याद केतकीची ।
काटा उरात सलतो । नच साथ प्रियकराची ॥
ये अधीर प्रियकरा तू । मीही तृषार्तलेली ।
फुलवू फिरून संध्या । श्रावणघन पावसाळी ॥