दीपावली..
दीपावली..
सणांचा राजा दिपावली म्हणजे
सुख-समृद्धीचा विधायक उत्कर्ष...
आप्तेष्ट, स्नेहींच्या भेटीगाठीने
सकलांच्या तनी- मनी हर्ष...
सडा-रांगोळी, आकाशकंदिलाच्या
प्रकाशाने पडे अंगणी सावली..
फराळ-फटाके, वस्त्र- आभूषणे
खरेदीचे द्वार उघडे दीपावली..
प्रसन्नता-शांतता- उदारतेने
जपू या " वसुबारस" चा ठेवा..
"आरोग्यम धनसंपदा" च्या जाणिवेने
लावू "धनत्रयोदशी" चा दिवा..
"नरकचतुर्दशी"ला सुप्रवृत्तीचे
अभ्यंगस्नान लावूनी सुवासिक उटणे..
"लक्ष्मी-कुबेर" पूजनाने जीवनी
झळकावे मानवतेचे चांदणे..
लोककल्याणकारी सतप्रेरणेने
"बलिप्रतिपदा" अवतरते भूवरी..
" भाऊबीजेच्या" साक्षीने होई
प्रेम-स्नेहाची दिपावली साजरी..
कोरोनाचे चक्रव्यूह भेदून करू
"फटाकेमुक्त" दीपोस्तवाची इच्छा..
आपणां सर्वांना दीपावलीच्या
लक्ष लक्ष तेजोमय सदिच्छा...