दगड

कधी तो गोल तर कधी चौरस चापट

वेगवेगळ्या आकाराची विकाराची दगडं

कधी तो नाल्यातला तर कधी डोंगरावरचा

स्वतःचा आकार नसलेली ओबडधोबड दगड 

निर्विकार निराकार दगड 

ना त्याला स्वतःची चिंता ना दुसऱ्याची

जिथं पडला तिथल्याच रंगात मिसळणारा

लाल पांढरा काळा दगड 

लहान मोठ्या आकाराची 

वेगवेगळी वैशिष्ट्यपूर्ण दगड 

कुणाला मिळतं देव्हार्याच वैभव तर 

कुणी त्यांच देव्हार्याची पायरी 

त्यातच आपलं वैभव शोधणारी दगड 

प्रत्येक दगडाची आपली स्वतःची वस्ती असते 

आपलं काळीज असतं 

आणि त्या वस्तीतच राहतात दगडी काळजाची दगडी माणसं