देवीचे घट

घटस्थापना घटाची

नवदुर्गा स्थापनाची

 नवरात्र उत्सवाची

 लगबग प्रारंभाची

शेण सारवण करू

काळी माती अंथरवू

चला नव धान्य पेरू

घट त्यावर सजवू

नवग्रह स्थापनेची

वरूणाच्या कळसाची

तेजोमय या देवीची

आतुरता दर्शनाची

आज शैलपुत्री शक्ती

प्रतीरूप हिच सती

हिच आहे शिवशक्ती

येवू दे फळास भक्ती

माळा झेडूंच्या फुलांची

घाला तिळाच्या फुलांची

तेज अखंड दिपाची

करु आरती देवीची

विडा चढवा देवीला

घालू रांगोळी पाटाला

वंदू देवीच्या तेजाला

आले चैतन्य घराला