डोंबारी

नशिबी गरिबी आमच्या

नाही अजून मनात

खेळ डोंबाऱ्याचा करतो

जीव आमचा कष्टात

कष्ट करू खळगी भरू

नाही कधी हात पसरणार

जिद्द आमची मनापासून

सुखाचा सूर्य जरूर असणार

असणार दुःखी पायवाट

रस्ता हा आमचा खडतर

जिंकून घेऊ सारे आभाळ

नाही म्हणणार जीवास मर

मर हा शब्द नाही

आजवर शब्दकोशात

रिते जरी जिने आमचे

जगू जीवन जोशात

होशात करतो खेळ

तोल सारा सावरून

चिकाटी ही लढण्याची

धरते दोरीला आवरून

आवरून सांजेला पसारा

भाकर तुकडा गिळतो

दिवसभराचा शिन सारा

रस्त्यावर अंग टाकून काढतो

काढतो थकवा सारा

नव्या उमेदीने सुरवात

आभाळ छप्पर आमचे

करू कष्ट जोवर जीव हयात

धरतो हाथी हाथ

साथ ना सोडणार

परी चेहरा आमचा

सदा हसरा असणार