चुकलेली वाट

जेव्हा कधी तरी , मी माघारी वळून बघते 

खूप काही हातचे , सुटल्यागत वाटते

एकदा चुकलेली वाट , प्रयत्न करूनही न मिळते

पण हे सत्य मात्र , चुकल्या वरच कळते

मागे फिरण्याची , संधी शोधत राहते

संधी मिळत नाही आणि जीवन चालतच जाते

चालता - चालता , आयुष्य शेवट गाठते

अन् एका सांजवेळी , फिरून भूतकाळ आठवते

भूतकाळात केलेल्या , चुकांना माफी शोधते 

मन हे विचारांच्या वादळात , अजूनच गुरफटते 

गुरफटलेल्या मनाला , शांततेची आस जागते 

मिळवण्यास ही शांतता , परत प्रवास मी सुरू करते

निरंतर प्रवासाने , व्यक्ति प्रगती साधते 

जे सुटले मागे , पुन्हा तेही परत मिळवते