चंद्रभागा

गात्र पांगळून जाता होई मनही पांगुळे

परी विठूच्या ओढीने चालू लागली पाऊले

दिंडीतल्या गजराने भानावर येतायेता

दिसू लागल्या प्रकाशी उजळल्या पायवाटा

चालो लागली इंद्रिये पंथी निस्तरीत काटे

आणि गळून पडली अंतरीची जळमटे

राणा अलंकापुरीचा ज्याच्या पायी होतो लीन

झालो उतावीळ मीही त्याचे धराया चरण

राऊळाच्या गाभाऱ्यात भेटी होता जिवलगा

डोळ्यातून वाहो लागे पवित्रशी चंद्रभागा