चैत्री पाडवा

चैत्र पालवी फुटली  

हिरवा शालू घालून अवनी नटली 

गुलमोहर तो डवरला  

वसंतऋतू तो सुरू जाहला

आंब्यालाही पिवळा मोहर आला  

केशरी आंब्याचा सुगंध दरवळला मनी  

विजय पताका घेउनी आला सीताराम धनी  

गोरजमुहूर्त तो चैत्री पाडवा  

सणाचा हा अधिक गोडवा  

घरोघरी रंगरांगोळी, पताका, यशाची गुढी उभारू  

श्रीरामाला वंदू, चरणस्पर्श करू

श्रीरामालाच स्मरू 

ताव मारून खाऊ श्रीखंड, गरमागरम पुरी 

मनी प्रार्थना पाडवा साजरा होउ दे घरोघरी ॥