चैत्र पालवी

नवेपणाची चाहुल, चैत्राच्या महिन्यात

चैत्र पालवी, फुटते रणरणत्या उन्हात

 कोवळी पाने वाढवी वृक्ष शोभा

डोंगर, दरी हिरवी , भरली वृक्ष सभा //१//

शिशिर सरला आणी वसंत बहरला

बहरला तो पळस, लाल रंग लेऊनी

करवंद बहरली, शाल काळी पांघरूनी

मधुगंध पिण्या भुंगे मग्न मनी होऊनी //२//

पानगळ सरली , आली चैत्र पालवी

रूप मनोहर , नटलेल्या सृष्टीचे गोड

एकाहून एक सरस एक, एक झाड

नवचैतन्य देणारी सृष्टी दिसते गोड //३//

कोवळी पाने, हिरव्या वेली सजल्या

जणु स्वागत, चैत्राचं करू लागल्या

डोंगर कुशीत नाही बरसला पाणी

आश्चर्य तरीही आली,नवसंजीवनी //४//

चैत्र पालवी अशीच फुलत राहो

मना, मनात नवचैतन्य घडत राहो

करतो यशाची सदा कामना

यश लाभो सर्वथा हीच ईश्वरचरणी प्रार्थना //५//