चांदणी रात

पुनवेच्या राती चंद्र प्रकाशमान किती

टिपूर चांदणं नभी चमचम करिती

हवेतील गारवा देई थंडगार हवा

नभातला चंद्र रोज भासे नवनवा

आजी सांगे गोष्ट वय तिचे पासष्ट

थकतच नाही करू दे कितीही कष्ट

चांदण्या प्रकाशात मोकळ्या अंगणात

गाणी गोष्टी ऐकत झोप येई डोळ्यात

नाही पंख्याखाली ना कुलरच्या वाली

मस्त झोपतो मोकळ्या आभाळाखाली

टिपूर चांदण्यातील दिवस सरतात खास

आठवणीत राहतो साऱ्यांचा सहवास