बळीराजा

हिरव्या पानांत गूज कानात

सांगून गेलाय खट्याळ वारा

येणार पुन्हा उडविण्या धुराळा

पसरलाय जो शिवारी पसारा

शेतात हिरवागार जोंधळा

शोभून दिसतो कणसाचा तुरा

कणसात पिवळे दाणे टपोरे

दाण्यावरती भिळल्या नजरा

सकाळ होता पाखरांची किलबिल

बेत आखती दाणा टिपण्याचा

नजरेत भरला पिवळा दाणा

थवा निघाला शिवारात पाखरांचा

वाऱ्याची झुळूक येता हळुवार

डोले वाऱ्यावर खुशीत जोंधळा

मन मोहून टाकते शेतकऱ्यांचे

दिसतो शोभून शिवार पिवळा

येताच दिवस सुगीचे

चोहीकडे आनंदी आनंद

माऱ्यावर उभा बळीराजा

गोफण फिरवी होवून धुंद