बीज अंकुरे अंकुरे
बीज अंकुरे अंकुरे
1 min
246
बीज अंकुरे अंकुरे, बघ कुशीत आईच्या,
फुटे पालवी मनाला,दाटे भावना हर्षाच्या.
बीज प्रेमाचा अंकुर,माय घालते फुंकर,
झरा वाहता मायेचा,बाळ देतसे हुंकार.
बीज अंकुरे अंकुरे,येई कोंब मातीतूनी,
रूजे बियाणे शेतात,ऊब देतसे धरणी.
बीज करी धडपड,येई वाढीस जोमानी,
येता बहरास कसे,डोले वाऱ्यासवे रानी.
होई अंकुराचे झाड,वाढे बघा ताडमाड,
देई जगाला सावली,जपा तया जीवापाड.