भय

भय दुनियेमधले

ना कधीच संपणारे

बा मनुजा सावध हो

जग तू शहाणपणाने

भय वाटे बालपणी

राक्षस नि चेटकिणींचे

वय वाढता कळाले

ते जग काल्पनिक होते

भय पावलोपावली

पाऊल बाहेर पडता

कुणी चालक धक्का मारी

पडे कुणी चालताचालता

मुक्या कळ्या बसमधी

ना सुरक्षित तरीही

कुणी पळवी त्यांना

अन् मागे खंडणी

आता ना सुरक्षित

घरातही असता

कुणी भामटा शिरे

अन् मारे पैशाकरिता

खरे निर्भय आयुष्य

होते रामराज्यामधी

वाट पाहती जन सारे

रामराज्य येईल कधी ?