भरारी

मला वाटते पतंग होऊन ऊंच ऊंच जावे 

वरती जाऊन खालीं मजेत जमिनीवर पहावे 

इवल्या इवल्या इमारतीवरून खाली दिसणार 

वरती भरारी मारून मी चांदण्यात भिजणार 

कधी खाली कधी वरती माझी ही कसरत 

खाली जमा होऊन लोक राहतील बघत 

इतका वरती जाईन मी होईल माझा बिंदू

तिथून मी पाहीन नद्या गंगा सरस्वती सिंधू 

मोठमोठे डोंगर पर्वत ओलांडून मी जाईन

वेगवेगळे देश प्रदेश डोळ्यांनी माझ्या पाहीन

एवढे स्वप्न आहे देवा पूर्ण होईल का

गगन भरारी मारून मला स्वर्ग गवसेल का?